منتدى المودة العالمى
أهلاً ومرحباً بك
يشرفنا دخولك منتدى المودة العالمي

منتدى المودة العالمى

ســـاحة إلكـترونية جــامعـة
 
الرئيسيةالرئيسية    مكتبة الصورمكتبة الصور  اليوميةاليومية  س .و .جس .و .ج  بحـثبحـث  التسجيلالتسجيل  قائمة الاعضاءقائمة الاعضاء  المجموعاتالمجموعات  دخول  
شاطر | 
 

 كلمات مصرية _مديح للبلبيسى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الفنان قدرى



عدد الرسائل: 4985
العمر: 56
تاريخ التسجيل: 14/09/2007

مُساهمةموضوع: كلمات مصرية _مديح للبلبيسى   الثلاثاء أبريل 15, 2008 3:30 pm

هذا نموذج من الإنشاد الديني المصري يؤديه العربي البلبيسي أقدمه إليكم مقتطفاً من حفلة إنشاد للعربي البلبيسي وهو بالعامية المصرية نقلته عن علاء الدين

يا رب!
قصدت بابك وغير بابك ماقصدتوش
آدي الباب مفتوح عمري ماقفلتوش
يا سابل الستر استرها ما تفضحاش
ولغيرك إنت أبداً ما تحوجناش
والحق يعلى وإحنا على الحق مانعلاش
يا واخد العهد على عمك ياخويا ماتعلاش
زي اللي قبلنا ما قالوا
العين على الحاجب ما تعلاش
وإذا كنت بتحب حب بس لازم لازم تكون حساس
وفتش على روحك يا حبيبي قبل ما تفتش يا واد ع الناس
وانظر لبيتك ولا تنظرش لبيوت الناس
واللي ما ترضاهشي على روحك ماترضاهشي ياخويا ع الناس
كلام هاقوله يا قلبي ويا ريت يسمعوه الناس
ياما كان ع الدنيا فتواااااات قبلنا يقولم إحنا أحسن ناس
صبحم رمايم ياخويا ويدهوسم عليهم الناس
اسمع كلام ربنا العزيز اللي قاله لجميع الناس
وجنة الخلد هايدخلها من الناس الكاظمين الغيظ والعافين عن الناس

أول ما كتب القلم كتب القلم الله
وكمل السطر بمحمد رسول الله
قال هو حبيبي ومحبوبي هوا خير خلق الله
واللي يصلي ع الحبيب النبي يا فرحته ياهناه
واللي هاتعمله النهاردة بكرة أمام الكريم تلقاه
يا آل بيت النبي أنا هانديكم طمعان في نظرة رضا ليا العشم فيكم
طمعان في نظرة رضا ليا العشم فيكم
أنا ليا أربعة في وقت الضيق بناديهم
سيدنا الحسن والحسين والسيدة والإمام علي أبيهم

سيدنا الحسن والحسين والسيدة والإمام علي أبيهم
من الحبيب النبي أنا ليا العشم فيهم
وإزاي يا سيدنا الحسين وأنا روحي مولانا مولانا
سيدنا الحسين سيدنا الحسين ولي النعم شباب الجنة
أبا العلمين شيخ العرب يا بدوي يا أبو السباع
يا آل البيت يا أهل البيت يااااااا آل البيت
يا آل بيت النبي آه
يا آل بيت النبي أمانة ما تفوتنيش
عايز أنول مطلبي بس ف حماكم أعيش
الناس شافوني بابكي يا سيدي يا عبدالرحيم يا قناوي
قالولي ماتبكيش
أنا قلت أنا بابكي على حالي
يا خلق ماتلومنيش
ضيعت مالي على جرحي وعايز أعيش
وبدل ما ألبس حرير يعجبني لبس الخيش
وبدل ما آكل طيور متنضفة من الريش
آكل بملحي حصى ... وأغمسه بالعيش
يا عيني يا عيني
نزلت بحر الحبيب النبي ولاخفت من الطراطيش
نادى عليا المراكبي وقالي لي ماتعديش
أنا قلت ليه يا حبيبي عديني وخد بقشيش
عايز لجرحي دوا يا أحمد يا بدوي لفيت مابلقيش
قمت اشتكيت الطبيب اللي ماعالجنيش
القاضي شاف شكوتي زعل ومانصفنيش
قال يا جريح الهوى إذا كنت غويت سافر إلى مصر
واشكي لمولانا لسيدنا الحسين حالاً هاتنول آمالك
يا حبيبي وتتهنى مع الدراويش.

منقول يادرويش
ملحوظة .. العربى فرحان هو مداح شهير خصوصا فى الثمانينات والتسعينات وهذا الشريط الآن تستمع له فى كل شوارع القاهرة وقرى مصر وقد التقيت به وهو من مدينة بلبيس محافظة الشرقية وهى بلد مشهورة بكثرة المداحين والمنشدين ومنها البلبيسى وقد وأنشد بعضا من كلماتى فى مولد سيدى سلامة الراضى بالسبتية بالقاهرة شيخ مشايخ الحامدية الشاذلية فى عموم مصر فى حضور سيدى صالح الشاذلى ومقامه فى حى باب الشعرية بالقاهرة .. ماأجمل حب الحسين وآله ذرية بعضها من بعض إلى يوم الدين
أهدى هذه الكلمات
للحبيب بندر
والحبيب
إبراهيم شهاب



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الدرويش



ذكر
عدد الرسائل: 1213
العمر: 56
تاريخ التسجيل: 05/09/2007

مُساهمةموضوع: رد: كلمات مصرية _مديح للبلبيسى   الثلاثاء أبريل 15, 2008 2:51 am



أرجو أن تتحفنا سيدي الفنان بما أنشده البلبيسي من كلماتك ولو حتى الكلمات إلى أن ييسر الله بالصوت .. لما أعرفه .....

أتذكر لك سيدي تقدمتك الرائعة للشيخ ياسين التهامي

أذكر منها

ودوري يا نجوم ف الفلك
خبري عني الجن والملك
أنا المراد
مراد الإله فيما خلق
وأنا المحسوب
وأنا المنسوب
وأنا اللي مهمن أكون معيوب
لكين محبوب
.......
.......
.......
وهذه أيضا .. نريدها أيها الشاعر الفنان .. الإنسان


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابراهيم شهاب



ذكر
عدد الرسائل: 106
العمر: 40
تاريخ التسجيل: 31/12/2007

مُساهمةموضوع: رد: كلمات مصرية _مديح للبلبيسى   الأربعاء أبريل 16, 2008 3:50 am

ايه الجمال ده يا فارس البحر يا نورس مطروح يعنى شم النسيم امتى ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

كلمات مصرية _مديح للبلبيسى

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» كلمات رائعه جدا
» كلمات اجنبية ذات اصل عربي
» ::: ::: كلمات معبرة عن واقع الحياه ::: :::
»  كلمات اغانى فايزة احمد
» كلمات سر للعبة الكونترا سترايك

صلاحيات هذا المنتدى:لاتستطيع الرد على المواضيع في هذا المنتدى
منتدى المودة العالمى ::  ::  :: -