نور النبى لمـا ظهر

نور النبى لمـا ظهر تم الهنا ويا السـرور
و الفضل زايد واشـتهر كامل مكمل كلـه نـور
لما النبى فى مكة خطر فرحت به زمزم و الحرم
و انشق له فيهـا القمر أوصافه فى غايـة العظم
يا أهل مكـة و الصفـا يا أهل زمزم و المقام
فيكم ولادة المصطفى يا جيرة البيت الحرام
يـا أهل طيبـة يـاكـرام يـا بختـكم بالمصطفى
و يـا جيران خير الأنـام ياهل المكـارم و الوفـا
يا ســـيد الخلق المـدد يا صاحب الجـاه العظيم
مالى سـوى جاهك سـند فى ساعة الكرب العظيم
دخلنــا فى جاه النبى واللى دخل جاهه فى أمان
مدحه و حبــه مكســبى محبـوب نبينـا لا يهان
جبريـل أتـاه عند الحرم و قاله هيـــا ياشـــفـيع
كـل الملايكـة لك خدم يا صاحب الجاه الرفـيـع
لما ركب فوق البـراق جبريـل مشـى جنب الركـاب
كان يخدمه بكل اشـتياق و النور سـطع و الوقت طاب
لـلمســـجد الأقصى وصل و ربنـــــا زود علاه
و الأنبـيــا و يـا الرســل لمـا حضر صـلوا وراه
من بعدها صعد الســما بين الملايكـة فى صفا
نادى المنادى فى الحمى دوس البسـاط يـا مصطفى
رب العبـاد راضى عليـك و مين يحصل رتبتـك
و الممـلكـة مابين يديـك أرحم عشـانـك أمتـــك
يــــا رحمـة لـلعالمــين و يـــا إمـام الأنبـيـــا
و يــــا نـدى الراحتــين أنت الهدى للأصفيــــــا
كان فى السمــــا عيد للحبيب تمشى المواكب فى العلا
فى حضرة المولى القريب من نور مولاه امتـــلا
لمـا وصل للعرش هـام شـــاهد بعيـنيـه الجمـال
نــال النـبى أعلى مقـام حاز المحبــة و الكمــال
قاله عليـك منى الرضـا و أنت محبــوبى الوحيـــد
أنت الشفيـــع المرتضى و كل من حبـك ســــعيد
أنت العريس فى حضرتى واظهر بوصفى فى الوجود
و اخطر بإسـمى فى بدلتى خليـك تـملى فى الشـهود
يا صاحب الســر المصـون يــا مظهر النـور القديـم
دا كل شيىء ترضـاه يكون يا مصطفى فضلى عظيم
يـــــارب بلغنـــــا المراد بجــاه خير المرســــلين
و انـــعم بفضـلك ياجواد وارضى علينــا أجمعيـــن

قصيدة من كتاب حـامديــات