هو حبيب ربنا صلى الله عليه و سلم

هو حبيب ربنا
**************

مين زى سيدنا النبى
عالى فى مقداره
قلبى متيم قوى مشتاق لانواره

* * *
يا رب أقدر أزورة
مره فى ديارة
يا فرحة اللى اتوعد
يا بخت من زاره

* * *
هو حبيب ربنا و المولى مختاره
* * * *
بلغ رسالة الهدى
و ياما نصح فينا
بالحلم و الصبر و التقوى موصينا

* * *
طهر قلوبنا و حببنا فى بعضينا
بشفاعته لينا و يا فرحتنا بنبينا

* * *
للعالمين أرسله رب العباد رحمه
يعطف بقلبه على الفقراء
و على اليتمه

* * *
بالبر و الحسنى و المواساه و بالكلمة
عشان يخلى الغلابه يحسوا بالنعمه

* * *
و كان بيرسم بإيده عالشفاه بسمه
علمنا إيه العباده و كل أحكامها

* * *
عرفنا ايه الصلاه
و سجودها و قيامها
و ازاى تقوم العباد
بزكاتها و صيامها

* * *
و ازاى تكون القلوب صادقه فى إسلامها
أخرتها تلاقى النعيم
و الجنه قدامها

*********************

» الامام الحسن (سلام الله عليه ) مع جده الرسول صلاة الله عليه وآله وأصحابه وأحبابه
» الصلاة على حبيب الله
» اسألي و الجواب من حبيب الله
» قصيدة الله الله ربنا ياهو **** لكل عيب ساتر ياهو
» كتاب الإنسان الكامل في معرفة الأواخر والأوائل للعارف بالله سيدي عبد الكريم الجيلي