(رب تعودها ونروح تانى )
كلمات : السيد سلامة الراضى
#حامديات #سيدى_سلامة
لما زرنا الكعبة وطفنا قمنا ندعى واتوسلنا
بعد المسعى في إحرامنا تم مرادنا واتمتعنا
ليلة التاسع رحنا نلبى لما وقفنا كان يوم عرفه
ومنى شفنا فيها افراحنا رحنا نرجم وقت الزحمه
رحنا مكه طفنا ونسعى حج مبارك كله رحمه
يالاَّ نفرح ياأحبابنا رحنا زرنا قبر الهادى
حطيت إيدى على شباكه شفت الحجره ونلت مرادى
حتى خدى دا مرغته لو كان يرضى يكمل سعدى
وفضلت ادعى عند الروضه كانت أهنا ساعه عندى
روضه هيا ذات الجنه وبين القبر وبين المنير
واللى يصلِّى فيها يسعد حتى ذنبه كله يُغفر
لما زرنا واتمتعنا واحنا عنده جاتنا البشرى
راضى عنا حتى اخواننا خدنا منه نفحه كبرى
وملا قلبى بسره ونوره طمن نفسى بستر الدنيا
وجبر خاطرى مع أحبابى سره وحبه سارى فيا
لما شافنا واحنا ضيوفه أظهر عطفه مع إحسانه
فضله واسع جوده أزيد واللى يجيله بصلح شانه
شفنا نوره ساطع عنده شفنا الهيبه باينه وظاهره
أفضل بقعه فيها الهادى سر الرحمه وبقعه طاهره
واللى يشوفها ويقبلها يبقى مسعد إن حصلها
واللى يكون له فيها قسمه ربه يساعده ويسهلها
قلت اشفع لى عند المولى ياللى حبك كله عباده
جيتك قاصد ذُلى ظاهر جبر الخاطر عندك عاده
إسمع منى وهنى نفسك مادام زرته ربى يحبك
فزت بسره ويا نوره نعمه كبرى وبختك ساعدك
رب تعودها ونروح تانى و نزور طه مع أحبابى
إياك يرضى ويقول ليَّا خليك واقف في أعتابى
(مذهب)
qadry
الرئيسية 
