مريد إستادي گوم غز الراية وفزع شيوخ السلسلة ويايه
ابدي بمحمد يا نبينا الغالي يبدر الانــور بالسما يلالــــي
ابد سوى مدحك فلا يحلا لي يا سيد السادات البيه الكفاية
وينك يا أبو الحسن كنز الأسرار يداحي خيبر يا برود النار
نريد من عندك فزع وإحضار لو رادت عدانا تدوس الثاية
أنخه وحشم يا قطب الأقطاب ألباز الأشهب ياعيًّ الطلاب
انته ليلقبونك أبو قبـــــــقاب تدرك مريد اللي ينخاك بهايه
نرجه المدد من حضرة الولياني شيخ إسماعيل بسره نخيته وجاني
سرّكم يا يابة سر ربانــــــــــي لـــــــــــمن نخيناكم لفيتو عناية
على المحنة نخيناكم يا سادة وخبرنه تنجدون ألبيكم ناده
يشاه الكسنزان انته العمادة يا خلفة سيد قادر قازان قايه
مريد الكم تراني يا أكابر واخص منهم سيدنا الشيخ قادر
يبو الغوثين بذركم آني ناطر حـــــــشاكم تجفوني يهل التكايه
تراديت بهواكم يا سلطان ِ يبو نهرو يا شيخ الكسنزان
أريد يا شيخي تجي وتحماني يسور إلنا ويدواس المنايه
توازينا ونصبنا كل الأعلام يدرويش افرح بملفات الكرام
هذوله سباع وهمة حماة الإسلام فلا تهتم لفوك أهل النهاية[b]
الرئيسية 
