الليالى الفاطمية_الليلة الأولى

الليالى الفاطمية

الليلة الأولى



لا لا لا
لايكون بدء
لايكون صدق
لاتكون العبارة معنى
ولاللإنسان حياه
ومن براه
وكان عرشه فوق المياه
انبثقت البتول المصطفاه
ريحانته وفاطماه
لايكون ختام
ولااستلام
إذا ماكان فى البدء سواه
والمنتهى إلاه
عليه السلام عليه الصلاه
.....
ياقمر السهرانين العاشقين
يانور من دابوا فى الحنين
يانجم كان فوق السنين
ياصدفة الجمال
ياقصد المحال
ياأحلى كلمة فى الحياة
ماأحلك الشمس جنبك
إذا هل ضى التى ملكت
الحسن ومنتهاه
فاطمة الإله
اللى اختص بها حبيب مولاه
...
ياز من مجروحة العاشقين
طول السنين
يادهر يامحير العارفين
مين يشاهد و يشهد للمثال
غير من تفوق فى المحال
ويكون حقق درجته
مين غير الصحبه والآل
وفى آخر الزمان بعض قلوب طيبين
..
يابشر
ياخلق ياهو
ياحجر عندكم
والزموا حد عقلكم
مين يمسك الأقلام
ويفسر الحقايق
القريبه من الأحلام
غير أصحاب الرمز والإلهام
والإضطهاد والآلام
مين غير أحباب المحبة والسلام
..
من قبل السنين
شجرة النسب سالمة
صمدية وصائمة
يراها من يراها
ومين لم يرى
اعترف أو لا..؟
هى قائمة
واللى أيقن موسوم
ومرسوم وجهه على الورق
كأنه أيقونة على فرع منورة
كأن الوجوه حواريين
والفروع أنبيا
كأن الورق قديسين
والزهور أوليا
الثمر محبين ومريدين
وعشاق فى كل مذهب وكل دين
متجمعين
عند الغائمة
فى ظل ضى جناح فاطمة