يابطل_ صفحات من المقدسية

إنت يابطل
قلبى خده بدل الحجر
إرميه فى وجه الإنسانية
إنت الأمل
إنت بتدين البشر
وكل من باعوا القضية

عمر الرصاص مايقدر ع القمر
لسه ضد الظلم أطفال صغار
واحنا معاك ياقدر
روحنا فداك ياقدر
لآخر المشوار

مين جاله قلب ياناس يخنق القمر
مين ياديابه منكم بيعمل زى البشر
مين بيقتل بالرصاص طفل زى القمر
ياسما تنجدينا الناس مش حاسه بينا
مش بنادى اخواتى ولابنادى حد من البشر
بنادى الوهم والخيال والزمن والشهدااللى ف عنينا
ياشجر ياطيور يامطر الوحش بيدوس المدينة
قلب الصبايا بينفطر خايفة الحلم ينكسر
ياجيل القدس ياآخر جيل
ياروح القدس ياطير أبابيل
دم الإبن عليهم نار
نار وحجارة من سجيل
مع دمع الأب فى عز الليل

إوعى الخدود تشوف الدمع نازل من عنيك
إوعاك تموت لما تشوف الحلم
بيموت بين إيديك
**